Kiraŭnik Skotłand-Jarda aryštavaŭ złačyncaŭ prosta padčas svajho intervju
Samy hałoŭny palicejski Brytanii — kiraŭnik palicyi Vialikaha Łondana ser Biernard Chohan-Choŭv — pierapyniŭ intervju, kab zatrymać padazravanaha ŭ kradziažy.
Palicejski davaŭ intervju radyjostancyi BBC London u rajonie Totenchem, kali niečakana padjechała taksi, kiroŭca jakoha paviedamiŭ ab kradziažy hrošaj i mabilnaha telefona.
Ser Biernard sieŭ u aŭtamabil, paśla čaho taksist dahnaŭ mierkavanych rabaŭnikoŭ, a kiraŭnik łondanskaj palicyi aryštavaŭ ich.
Pavodle jaho słoŭ, ciapier jon maje prava śćviardžać, što zatrymlivaŭ padazravanych va ŭsich zvańniach.