Narviehija dałučyłasia da sankcyj suprać Rasii
Urad Narviehii pryniaŭ rašeńnie dałučycca da sankcyj Jeŭrapiejskaha Sajuza suprać rasijskaj ekanomiki, paviedamlaje ITAR-TASS sa spasyłkaj na paviedamleńnie MZS karaleŭstva.
ria.ru/aftenposten.no
U dakumiencie pryvodzicca zajava kiraŭnika źniešniepalityčnaha viedamstva krainy Biorhie Brenda, jaki adznačyŭ, što Narviehija, jakaja nie ŭvachodzić u skład ES, maje namier uvieści ŭ siłu tyja ž abmiežavańni, što byli ŭzhodnienyja i pryniatyja Jeŭrasajuzam 31 lipienia.
U dakumiencie paviedamlajecca, što budzie ŭviedziena zabarona na ekspart praduktaŭ, jakija vykarystoŭvajucca pry hłybakavodnaj naftapošukavaj raźviedkt abo zdabyčy nafty, a taksama pry pošukach radoviščaŭ nafty ŭ Arktycy.
Zaraz u Osła padličvajuć straty, źviazanyja z abmiežavańniem charčovaha impartu ŭ Rasiju. Pa dadzienych mytnaj słužby RF, hadavy impart pradukcyi z Narviehii aceńvajecca bolš čym u miljard jeŭra.