U Jekaciarynburhu, Novasibirsku i Omsku palicyja razahnała akcyi za fiederalizacyju Rasii
U Jekaciarynburhu na Urale pikiet za fiederalizacyju Rasii zakončyŭsia nie pačaŭšysia. Jak tolki na akcyju sabralisia dva dziasiatki ŭdzielnikaŭ, ich atačyli vysłanyja ŭładami «cituški» j palicyja.
U Jekaciarynburhu płanavali pravieści akcyju ŭ padtrymku maršaŭ za fiederalizacyju, što byli zajaŭlenyja ŭ Novasibirsku i Kalininhradzie. Aktyvisty chacieli nahadać, što pa kanstytucyi Rasija źjaŭlajecca fiederatyŭnaj dziaržavaj.
A ŭ Novasibirsku, trecim pa vieličyni horadzie Rasii, i Omsku maršy za fiederalizacyju zabaranili.
U Novasibirsku na zabaronienuju ŭładami akcyju pryjšło kala 40 čałaviek. Jany zaklikali da stvareńnia «Sibirskaj respubliki» z pradastaŭleńniem joj šyrokaj aŭtanomii ad Maskvy.
U Omsku palicyja zakryła centralny park, kab demanstranty nie mahli sabracca tam.