Dzikaje zdareńnie ŭ Navahradku
26-hadovy žychar Navahradka viartaŭsia z susiedniaj Biarozaŭki, kudy jon jeździŭ naviedać znajomuju. Było heta a 5.30 ranku, paviedamlaje DAI Hrodna. Jechaŭ jon na «BMV».
Na zakruhleńni darohi jon nie daŭ rady kiravańniu, «začapiŭ» uzbočynu. Mašynu pačało krucić i vyniesła na sustrečku pad furu «DAF».
Jechaŭ jon niepryšpileny, tamu ad udaru jaho vykinuła na zadniaje pasažyrskaje siadzieńnie. Ad atrymanych traŭmaŭ jon pamior na miescy.
Vidavočcy rastłumačyli, što chutkaść mašyny BMV była kala 150 km/h.
Varta adznačyć, što za 8 hadoŭ stažu kiroŭcy zahinuły 45 razoŭ parušyŭ PDR, a ŭ 2013 hodzie za pieravyšeńnie chutkasnaha režymu byŭ pazbaŭleny prava kiravać transpartnym srodkam na try miesiacy.