Kamandujučy NATO u Jeŭropie: Kali Rasija piarojdzie miažu, my adkažam
Kamandujučy vojskami NATO ŭ Jeŭropie hienierał Filip Brydłaŭ zajaviŭ u intervju niamieckamu vydańniu Die Welt, što Paŭnočnaatłantyčny aljans hatovy akazać vajennuju dapamohu Ukrainie, kali rasijskija vojski piarojduć miažu.
Prarasijskija vajskoŭcy ŭ Krasnadonie, AP
«Samaje hałoŭnaje - krainy NATO hatovyja da tak zvanych «zialonych čałaviečkaŭ» […] Kali zamiežnyja vojski prychodziać na terytoryju dziaržavy, i my možam ličyć hetyja dziejańni pavodzinami ahresara — heta artykuł numar piać: vajenny adkaz na dziejańni ahresara», — adznačyŭ 58-hadovy vajskoviec.
U apošnija dni ŭkrainskija ŭłady, a taksama ŭrady zachodnich krain vykazvali apasieńni, nakont misii pa dastaŭcy humanitarnaj dapamohi z Rasii, što moža być prykryćciom dla pierakidańnia sieparatystam vajennych hruzaŭ abo padstavaj dla poŭnamaštabnaha ŭviadzieńnia rasijskich vojskaŭ va Ukrainu.