Tymčuk: Ukrainskija vajskoŭcy akružyli Horłaŭku
U zonie praviadzieńnia antyterarystyčnaj apieracyi siły ATA praviali šerah paśpiachovych nastupalnych dziejańniaŭ. Pra heta paviedamlaje kiraŭnik Centra vajenna-palityčnych daśledavańniaŭ Dźmitryj Tymčuk.
«Kančatkova ŭziataja ŭ kalco Horłaŭka [bujny horad za 40 km na poŭnač ad Daniecka — NN]. Raźvity pośpiech u rajonie n.p. Novaśvietłaŭka-Chraščavataje pa adsiačeńni Łuhanska ad astatniaj terytoryi, kantralavanaj «ŁNR» (u n.p.Chraščavataje prachodzić začystka ad terarystaŭ), dziakujučy hetamu ŭziaty pad poŭny kantrol ŭčastak trasy M-04 i zabiaśpiečvajecca vychad da zabłakavanych padraździaleńniaŭ ukrainskaj armii na terytoryi aeraporta ŭ Łuhansku», — paviedamiŭ ekśpiert.
Jon taksama padkreśliŭ, što ŭkrainskaja armija pravodzić dziejańni pa błakavańni hrupovak bajevikoŭ u rajonie Iłavajska i rejdavyja dziejańni pa linii Iłavajsk—Zuhres.
«Aktyŭnyja bajavyja dziejańni iduć u rajonie n.p.Stanica Łuhanskaja, Danieck, Łuhansk, Šachciorski, Tarez. Terarysty nie spyniajuć praviadzieńnie kontratak ŭ rajonie Savur-Mahiły - zrešty, biespaśpiachova», - dadaŭ Tymčuk.