Hiermanija nie vyklučaje pramoha ŭzbrojenaha kanfliktu Ukrainy i Rasii: Moža być jašče horš
Reuters.com
Ministr zamiežnych spraŭ Hiermanii Frank Valter Štajnmajer nie vyklučaje mahčymaści pramoha ŭzbrojenaha kanfliktu pamiž Ukrainaj i Rasijaj dy zaklikaje ŭsie baki prykłaści maksimum namahańniaŭ dla taho, kab hetaha paźbiehnuć.
Jak pieradaje RAR, pra heta niamiecki ministr zajaviŭ paśla pieramovaŭ z kiraŭnikami MZS Ukrainy, Francyi i Rasii ŭ niadzielu.
«Moža być jašče horš», - skazaŭ jon, kamientujučy apošnija paviedamleńni z Ukrainy.
Jon padkreśliŭ, što niepasredny ŭzbrojeny kanflikt pamiž Ukrainaj i Rasijaj treba paźbiehnuć «luboj canoj».
Štajnmajer nazvaŭ trahičnym toje, što papiarednija damoŭlenaści bakoŭ, dasiahnutyja ŭ Ženievie ŭ krasaviku i Bierlinie ŭ lipieni, nie pryviali da spynieńnia bajavych dziejańniaŭ. Niamiecki ministr nazvaŭ «składanymi» pieramovami, jakija adbylisia ŭčora ŭ Hiermanii, ale zaklikaŭ vykarystoŭvać hatoŭnaść bakoŭ da pieramovaŭ, kab spynić krovapralićcie.
Pavodle jaho słovaŭ, nie vykarystańnie takoj mahčymaści było b «biezadkaznym».
«Heta była składanaja razmova, ale spadziajusia, što ŭ niekatorych spravach my dasiahnuli prahresu», — skazaŭ Štajnmajer.
Ahienctva adznačyła, što niamiecki ministr jašče pierad pačatkam pieramovaŭ nazvaŭ samym hałoŭnym pytańniem, jakoje musić abmiarkoŭvacca — spynieńnie bajavych dziejańniaŭ, a taksama dalejšaje niedapuščeńnie pastavak zbroi i bajevikoŭ praź niekantralavanyja ŭkrainskaj uładaj ŭčastki miažy z Rasijaj.