KDB abviarhaje infarmacyju pra papiaredžańnie ab adkaznaści za ŭstupleńnie ŭ šerahi «apałčencaŭ Danbasa»
KDB Biełarusi zajaŭlaje ab niedatyčnaści da raspaŭsiudžanaj u internecie infarmacyi pra adkaznaść za ŭstupleńnie biełaruskich hramadzian u šerahi ŭkrainskich sieparatysckich hrup. Pra heta karespandentu BiełTA paviedamiŭ načalnik pres-słužby KDB Artur Strech.
«Hetaja infarmacyja źjaŭlajecca niedakładnaj. Kamitet dziaržbiaśpieki nie maje dačynieńnia da jaje raspaŭsiudu», — padkreśliŭ Artur Strech.
Raniej u internecie źjaviłasia infarmacyja, što KDB Biełarusi raspaŭsiudžvaje ŭ ŚMI i sacyjalnych sietkach papiaredžańnie ab niebiaśpiecy viarboŭki hramadzian ŭdzielnikami niezakonnych uzbrojenych farmiravańniaŭ va Ukrainie. Nibyta KDB papiaredžvaŭ patencyjnych dobraachvotnikaŭ ab adkaznaści pa artykule «najmictva» Kryminalnaha kodeksa Biełarusi.