Krynica: Bajeviki z «Hradaŭ» rasstralali kałonu biežancaŭ pad Łuhanskam: ludzi zhareli prosta ŭ aŭtamabilach
Bajeviki abstralali ź minamiotaŭ i sistemy «Hrad» kałonu biežancaŭ u Łuhanskaj vobłaści. Pra heta Ukrainskaj praŭdzie paviedamiŭ kiraŭnik pres-centra AK «Poŭnač» Anatol Prošyn.
«Kala 09:40 pry vyvadzie biežancaŭ z nasielenych punktaŭ Chraščuvataje i Novaśvietłaŭka bajevikami byŭ naniesieny masiravany ahniavy ŭdar pa hetaj kałonie ź minamiotaŭ i reaktyŭnaj artyleryi «Hrad», — skazaŭ jon.
«U vyniku majecca vialikaja kolkaść achviar. Ludzi zhareli prosta ŭ aŭtamabilach, jakimi ich vyvodzili. Ludzi prosta nie paśpieli pakinuć transpartnyja srodki», - adznačyŭ Prošyn.
«Hetuju kałonu ŭciekačoŭ vyvoziła naša kamandavańnie, kab ludzi nie paciarpieli. Tamu ŭ tych haradach iduć intensiŭnyja bajavyja dziejańni», — dadaŭ jon.
Pavodle jaho słoŭ, kolkaść achviar pakul nie ŭstanoŭlena.
Taksama pakul niama nijakich inšych padrabiaznaściej.