Śviatočnyja liniejki projduć u minskich škołach 30 žniŭnia
Śviatočnyja liniejki, pryśviečanyja pačatku novaha navučalnaha hoda, projduć u minskich škołach 30 žniŭnia.
fota Siarhieja Hudzilina
Pra heta paviedamiŭ staršynia kamiteta pa adukacyi Minharvykankama Michaił Mirončyk siońnia na apieratyŭnaj naradzie ŭ harvykankamie.
Z 1 vieraśnia da zaniatkaŭ va ŭstanovach ahulnaj siaredniaj adukacyi ŭ novym navučalnym hodzie pačnuć 165 tys. navučencaŭ, što na 1,7 tys. bolš čym u minułym hodzie.
U staličnych škołach adkryjecca 807 pieršych kłasaŭ, kolkaść jakich u paraŭnańni ź minułym hodam pavialičycca na 22.
Za party siaduć bolš za 19 tys. pieršakłaśnikaŭ, što na 3 tys. bolš, čym u 2013-m.
«Pavodle tradycyi 1 vieraśnia pieršy ŭrok u staličnych škołach budzie nazyvacca «Ja - minčanin». Na hetych urokach buduć prysutničać vieterany VAV, pradstaŭniki Minharvykankama, ministerstvaŭ i viedamstvaŭ», - adznačyŭ Michaił Mirončyk.
Havoračy pra ŭkamplektavanaść kadrami, Michaił Mirončyk adznačyŭ, što ciapier u Minsku brakuje nastaŭnikaŭ pačatkovych kłasaŭ i vychavalnikaŭ daškolnych ustanoŭ.
«Pry hetym nielha skazać, što jość surjoznaja kadravaja prablema. Ustanovy adukacyi pastajanna papaŭniajucca novymi kadrami, tolki ŭ novym navučalnym hodzie ŭ sistemu adukacyi Minska pryjduć kala 700 maładych śpiecyjalistaŭ», - rastłumačyŭ jon.