Turčynaŭ: Zachad da kanca nie ŭśviedamlaje pahrozu, jakaja sychodzić ad Rasii
Dziaržavy Zachadu da kanca nie ŭśviedamlajuć vajennuju pahrozu, jakaja sychodzić ad Rasii, papiaredziŭ u intervju BNS u paniadziełak staršynia Viarchoŭnaj Rady Ukrainy Alaksandr Turčynaŭ.
«Mnie zdajecca, što mienavita vajennaja pahroza, mienavita toje, što idzie sproba złamać suśvietny paradak, heta adčuvańnie, mnie zdajecca, jašče da kanca nie ŭśviadomlena», — skazaŭ palityk, jaki ŭ hetym hodzie niekalki miesiacaŭ vykonvaŭ abaviazki prezidenta Ukrainy.
«Usie ličać, što heta možna nazyvać łakalnym kanfliktam, sprobami ŭhavaryć, sprobami źmianić situacyju,
ŭ nas kožny dzień ljecca kroŭ, u nas kožny dzień hinuć ukraincy, my bačym žorstkaść, ahresiju, cynizm rasijskaj armii», — skazaŭ Turčynaŭ.
Jon daŭ intervju BNS u Pałanzie, dzie ŭdzielničaje ŭ hadavoj sustrečy staršyniaŭ parłamientaŭ Paŭnočnych i Bałtyjskich krain.
Pavodle Turčynava, Rasija sprabuje pierakreślić miežy dziaržaŭ, i heta ŭjaŭlaje pahrozu dla biaśpieki ŭsioj Jeŭropy.
«Heta sproba Rasii paśla Druhoj suśvietnaj vajny pierahledzieć miežy dziaržaŭ, heta sproba razburyć usie mirnyja mižnarodnyja miechanizmy, jakija stvoranyja cyvilizavanymi krainami», — skazaŭ jon.