Stub: ES i NATA nie zmohuć akazać Ukrainie vajennuju dapamohu
Pra heta zajaviŭ premjer-ministr Finlandyi Alaksandr Stub. Jon skazaŭ, što adkazać na prośbu ministra zamiežnych spraŭ Ukrainy Paŭła Klimkina ab vajennaj dapamozie niemahčyma.
yle.fi
«Heta niemahčyma ni z boku NATO, bo Aljans akazvaje vajennuju dapamohu tolki svaim siabram, i heta dobra viadoma, ni z boku ES, jakomu nie chapaje mahutnaściaŭ, kab zabiaśpiečyć takuju padtrymku», — skazaŭ Alaksandr Stub.
Pavodle jaho słoŭ, klučavym pytańniem źjaŭlajecca ćviordaje harantavańnie pieramirja. Ci hatovyja prarasijskija sieparatysty va ŭschodniaj Ukrainie da spynieńnia ahniu — heta «pytańnie na tysiaču jeŭra», adznačyŭ jon, dadaŭšy, što pakul pieramovy pa hetym pytańni nie prynieśli plonu.
Finski premjer-ministr adznačyŭ, što Rasija i Jeŭrasajuz pieražyvajuć zaciažny pieryjad dalikatnych adnosin.
Vajna 2008 hoda ŭ Hruzii i kryzis u Ukrainie prademanstravali, što Rasija taksama hatovaja vykarystać siłu, kab padmacavać svaju palityku, adznačyŭ jon i padkreśliŭšy, što hetuju situacyju nieabchodna mianiać.
«Heta ŭ našych intaresach, kab ścieny pamiž Rasijaj i Zachadam byli jak maha nižejšyja. Heta toje, da čaho treba imknucca, adnak, na žal, my jašče dalokija ad dasiahnieńnia hetaj mety», - reziumavaŭ jon.
Nahadajem, u Bierlinie ministr zamiežnych spravaŭ Pavał Klimkin zajaviŭ, što Jeŭrasajuz i NATO pavinny znajści siły, kab akazać vajennuju dapamohu Ukrainie.