Parašenka dazvoliŭ milicyi zabivać terarystaŭ biez papiaredžańnia
Prezident Ukrainy Piatro Parašenka padpisaŭ źmieny ŭ zakon ab milicyi nakont umovaŭ prymianieńnia siły, śpiecyjalnych srodkaŭ i ahniastrelnaj zbroi ŭ rajonie praviadzieńnia ATA.
Pra heta paviedamlaje pres-słužba prezidenta.
Dakumient daje prava pravaachoŭnikam užyvać biez papiaredžańnia miery fizičnaha ŭździejańnia, śpiecyjalnyja srodki i ahniastrelnuju zbroju suprać asob, jakija ŭ adpaviednaści z zakonam «Ab baraćbie z teraryzmam» pryznajucca terarystami i zajmajucca teraryzmam.
«Heta daść mahčymaść pavysić uzrovień biaśpieki rabotnikaŭ milicyi padčas praviadzieńnia ATA i spryjać bolš efiektyŭnamu vykanańniu imi zadač pa abiasškodžvańni terarystaŭ padčas praviadzieńnia antyterarystyčnaj apieracyi», - havorycca ŭ paviedamleńni.