Vyniki rasśledavańnia: «Boinh» źbili rakietaj z terytoryi, kantralavanaj DNR
Premjer-ministr Małajzii Nadžyb Razak nazvaŭ «dosyć pierakanaŭčaj» papiaredniuju spravazdaču pra rasśledavańnie pryčyn hibieli «Boinha-777» u Danieckaj vobłaści.
Pra heta, jak piša The Wall Street Journal, jon zajaviŭ na sumiesnaj pres-kanfierencyi z kiraŭnikom urada Aŭstralii Toni Ebatam.
Pavodle słovaŭ małajzijskaha premjera, ciapier treba znajści dokazy, jakija dazvolać pieradać spravu ŭ sud.
Na toje, kab całkam ahledzieć miesca padzieńnia łajniera, znajści astanki ŭsich zahinułych i sabrać dokazy suprać tych, chto ździejśniŭ złačynstva, spatrebicca jašče niekalki tydniaŭ, dadaŭ Razak.
Dakład kamisii, jakija rasśledujuć katastrofu, pavinien być abnarodavany ŭ aŭtorak.
Pavodle papiarednich źviestak, samalot byŭ źbity rakietaj «ziamla — pavietra» z terytoryi, jakuju kantralavali h.zv. apałčency.
17 lipienia ŭ Danieckaj vobłaści adbyłosia krušeńnie samalota «Boinh-777» avijakampanii Malaysia Airlines, jaki lacieŭ z Amsterdama ŭ Kuała-Łumpur. Na borcie łajniera znachodzilisia 298 čałaviek, u tym liku 85 dziaciej i 15 členaŭ ekipaža. Bolšaść ź ich — hramadzianie Niderłandaŭ. Usie zahinuli.