Sud nad byłym hiendyrektaram «Barysaŭdreva» pačniecca 23 vieraśnia
Pryznačana data sudovaha pasiadžeńnia pa kryminalnaj spravie pa abvinavačańni byłoha hiendyrektara AAT «Barysaŭdreŭ» Uładzimira Malcava va ŭčynieńni złačynstva, praduhledžanaha č. 3 art. 424 KK.
Jak paviedamili ŭ Viarchoŭnym sudzie Biełarusi, słuchańnie spravy pačniecca 23 vieraśnia ŭ Minskim abłasnym sudzie.
Nahadajem, top-mieniedžar abvinavačvajecca ŭ złoŭžyvańni słužbovymi paŭnamoctvami padčas vykanańnia dziaržaŭnaj prahramy pa madernizacyi pradpryjemstva, jakija paciahnuli ciažkija nastupstvy ŭ vyhladzie pryčynieńnia škody ŭ asabliva bujnym pamiery na sumu bolš jak 18 miljardaŭ rubloŭ, a taksama značnaha ŭronu dziaržaŭnym intaresam u vyhladzie zryvu terminaŭ pa realizacyi dziaržaŭnaj prahramy pa madernizacyi AAT «Barysaŭdreŭ».
Padčas rasśledavańnia kryminalnaj spravy byŭ nakładzieny aryšt na majomaść bolš jak na 400 miljonaŭ rubloŭ.
Abvinavačvany z 13 sakavika znachodzicca pad vartaj.