Bolš za 40 damoŭ u Minsku ŭčora viečaram zastalisia biez elektryčnaści
Bolš za 40 šmatkvaternych damoŭ na vulicach Prytyckaha, Sierdziča, Matusieviča i na praśpiekcie Puškina ŭ Minsku viečaram 11 vieraśnia zastalisia biez elektryčnaści.
Pra heta paviedamili ŭ Minskim haradskim UMNS.
Paviedamleńnie ab adsutnaści elektryčnaści pastupiła ŭ 22.16. Śpiecyjalisty vyśvietlili, što adklučany fider na padstancyi «Zachodniaja» pa vulicy Cimirazieva, 60 z-za paškodžańnia kancavoj raździełki ŭ RP-57 pa praśpiekcie Puškina, 46.
U vyniku biez elektrazabieśpiačeńnia zastalisia 42 šmatkvaternyja damy, u jakich pražyvaje kala 18 tys. čałaviek. Čas adklučeńnia skłaŭ 1 hadzinu 9 chvilin. Abjekty pieršaj katehoryi pa nadziejnaści elektrazabieśpiačeńnia nie adklučalisia.