Michałok: Nie zaminajcie nam mirna žyć, inakš atrymajecie p*dy AŬDYJO
słuchać usie pieśni
Brutto Siarhieja Michałka vydaŭ debiutny albom «Underdog».
Paśla 12 dzion isnavańnia novy hurt Siarhieja Michałka Brutto prezientuje debiutny albom «Underdog».
U manifieście da kružełki paznačana: «Z nami — ziamla našych baćkoŭ, z nami — našy žonki i dzieci. My — nie adzinočki. Pobač — našy siabry. Nie zaminajcie nam mirna žyć, inakš atrymajecie p*dy. My pryjšli daŭno, a sydziem niachutka».
Na dysku 12 piesień. Niekalki ź ich eks-lidar «Lapisaŭ» i siabry-baksiory śpiavajuć pa-biełarusku i pa-anhlijsku. Zbolšaha, treki alboma vytrymany ŭ stylistycy, ułaścivaj «Lapisu Trubiackomu» apošnich siami hadoŭ.
Nahadajem, 1 vieraśnia hurt «Lapis Trubiacki» spyniŭ isnavańnie. A na jaho askiepkach adrazu ŭźnikli dźvie farmacyi: «Trubiackoj» z Paŭłam Bułatnikavym i Brutto ź Siarhiejem Michałkom.
Prezientacyjnaje videa Brutto na adnajmiennuju pieśniu za tydzień nabrała bolš za 200 tysiač prahladaŭ. A 9 vieraśnia byŭ prezientavany druhi, adnajmienny albomu klip hurtu.