Taruta: Kampramis pa statusie rajonaŭ Danieččyny i Łuhanščyny jašče nie adšukany
Abmierkavańnie pytańnia ab statusie rajonaŭ Danieckaj i Łuhanskaj abłaściej praciahvajecca, peŭnaść pa dasiahnieńni kampramisu moža źjavicca na nastupnym tydni.
Pra heta skazaŭ staršynia Danieckaj abłasnoj dziaržaŭnaj administracyi (ADA) Siarhiej Taruta.
«U najbližejšy tydzień budzie zrazumieła, jakich kampramisaŭ nieabchodna dasiahnuć», — skazaŭ jon žurnalistam u kułuarach 11-j štohadovaj sustrečy Jałcinskaj jeŭrapiejskaj stratehii (YES) u Kijevie ŭ čaćvier.
Jon adznačyŭ, što «čyrvonaj rysaj», za jakuju pierachodzić u hetych pieramovach nielha, jość terytaryjalnaja cełasnaść krainy.
Na dumku staršyni Danieckaj ADA, havorka pavinna iści ab bolšaj finansavaj i kiraŭnickaj aŭtanomnaści rajonaŭ, a taksama ab vybarach tych ludziej, chto hetyja rajony pradstaŭlaje.
Taruta ŭdakładniŭ, što zaraz realizacyja damoŭlenaściaŭ pamiž supraćlehłymi bakami pakul tyčycca tolki pytańniaŭ vyzvaleńnia zakładnikaŭ, humanitarnaj dapamohi i zabieśpiačeńnia kalidoraŭ dla adnaŭleńnia inžyniernych sietak i transpartnych znosin.
Staršynia Danieckaj ADA vykazaŭ nadzieju, što ŭžo siońnia-zaŭtra kolkaść pradstaŭnikoŭ ABSIE ŭ vobłaści pavialičycca z metaj vykanańnia minskich damoŭlenaściaŭ.
U pratakole pa vynikach kansultacyj trochbakovaj kantaktnaj hrupy pa ŭrehulavańni situacyi na ŭschodzie Ukrainy, padpisanym u Minsku 5 vieraśnia, adznačajecca nieabchodnaść decentralizacyi ŭłady ŭ Danbasie, u pryvatnaści šlacham pryniaćcia zakona Ukrainy «Ab časovym paradku miascovaha samakiravańnia ŭ asobnych rajonach Danieckaj i Łuhanskaj abłaściej» (zakon ab asablivym statusie).