DAI papiaredžvaje pra mahnitnyja bury na vychodnych
DAI Biełarusi budzie pracavać u hetyja vychadnyja va ŭzmocnienym režymie.
Ekipažy śpiecyjalnaha padraździaleńnia DPS «Strała» buduć nakiravanyja na adpracoŭki daroh Kryčaŭskaha, Čerykaŭskaha, Bychaŭskaha, Lepielskaha, i Tałačynskaha rajonaŭ. Asablivuju ŭvahu inśpiektary ŭdzielać prafiłaktycy i spynieńniu parušeńniaŭ PDR piešymi ŭdzielnikami darožnaha ruchu, a taksama vyjaŭleńniu kiroŭcaŭ, jakija hrebujuć patrabavańniami chutkasnych režymaŭ, praviłami manieŭravańnia, abhonu, pieravozki pasažyraŭ, a taksama jakija sieli za rul u stanie apjanieńnia.
Akramia taho, DAI rekamienduje mieteaadčuvalnym kiroŭcam bolš uvažliva pastavicca da svajho samaadčuvańnia i pa mahčymaści admovicca ad pajezdak u suviazi z samaj mahutnaj za apošnija try hady ŭspyškaj na Sonca.
Takija pryrodnyja anamalii mohuć vyklikać hałaŭny bol, sanlivaść, niepryjemnyja adčuvańni ŭ vobłaści serca, słabaść i paharšeńnie ŭvahi.