Ukrainiec pad Danieckam zachapiŭ varožy tank: Rasiejcy byli ŭpeŭnienyja, što my nie advažymsia supraciŭlacca
Ekipaž ŭkrainskaha tanka ŭ niaroŭnym bai zdoleŭ vyvieści z ładu dźvie bajavyja mašyny supiernika, a na treciaj viarnuŭsia ŭ raźmiaščeńnie častki.
Pra heta raspavioŭ kamandzir ekipaža małodšy siaržant Mikałaj Tyšyk, jaki pajšoŭ vajavać niadaŭna, z treciaj chvalaj mabilizacyi z Vałynskaj vobłaści, pieradajuć «Fakty».
«Hetuju emblemu rasijskich desantnikaŭ my znajšli ŭ trafiejnym tanku», — raspaviadaje staršy siaržant Mikałaj Tyšik. Na fota — Mikałaj (sprava) i jaho ekipaž.
«»Toj dzień ja nadoŭha zapomniu. Sapraŭdny boj, tak by mović, łob u łob, adbyŭsia ŭ kancy žniŭnia. My achoŭvali błokpost ŭ niekalkich kiłamietrach ad Daniecka. Dla achovy tut byŭ adzin stary tank T-64 i niekalki dziasiatkaŭ aŭtamatčykaŭ. Prykładna kala siami hadzin ranicy pačuŭ narastajučy huł. Na vulicy stajaŭ tuman. Ja vyjšaŭ ź blindažu i nijak nie moh zrazumieć, što adbyvajecca. Raptam baču: da varožych tankaŭ zastajecca mietraŭ piaćsot. Spačatku jany išli pa darozie adzin za adnym, potym źjechali ŭ pole i vystrailisia pa haryzantali. Jašče siekunda — i adzin ź ich uspychnuŭ, jak śviečka. Naš stareńki T-64 ź pieršaha strełu (!) padbiŭ najnoŭšy T-72! Kałona ŭ ździŭleńni spyniłasia. Vidać było, što praciŭnik ahałomšany. Mnie padałosia, jany viedali pra kolkaść i asnaščeńnie našaha błokpasta i byli ŭpeŭnienyja, što my nie advažymsia im supraćstajać. Adnak pamylilisia. Nastupnym załpam naš T-64 padbiŭ hruzavik z bojeprypasami. Snarady vybuchali adzin za adnym, raźlatajučysia vakoł fiejervierkami», — raspaviadaje Tyšyk.
Padčas adychodu T-72, nie viedajučy miascovaści, trapili ŭ bałota. Adzin ź ich patanuŭ całkam, a druhi ŭsmaktała tolki napałovu. Ekipažy paśpieli pakinuć svaje mašyny. Treci tank pałaŭ siarod pola, a čaćviortamu ŭdałosia syści žyvym i zdarovym.
Tankist Mikałaj Tyšyk začapiŭ i vyciahnuŭ na trosie adzin z tankaŭ i adpraviŭsia na im u svoj łahier.
«Paźniej ja pryhnaŭ tank ŭ raźmiaščeńnie našaj čaści. Kali my išli kałonaj, na ŭsialaki vypadak pastaviŭ T-72 apošnim, kab, nie daj Boh, nie pryniali za voraha. Pa prybyćci bajcy jaho ahladali, mnohija fatahrafavalisia, chtości prasiŭ prakacicca…» — kaža tankist.
Pavodle jaho słoŭ, ciapier trafiejny tank ukrainskija bajcy buduć vykarystoŭvać u bai.