ES pojdzie na značnyja sastupki Rasii ŭ pahadnieńni ab Asacyjacyi z Ukrainaj
Jeŭrapiejski sajuz i Ukraina pojduć na značnyja sastupki Rasii pa Pahadnieńni ab asacyjacyi, padpisanym u červieni. Pra heta piša niamieckaja hazieta Süddeutsche Zeitung, spasyłajučysia na ŭłasnyja krynicy.
ITAR-TASS/JERA/MAURIZIO GAMBARINI
U pryvatnaści, pavodle infarmacyi vydańnia, baki prymuć «tysiačy vyklučeńniaŭ» va ŭžo padpisanaj damovy.
«Heta vynik značnych dypłamatyčnych namahańniaŭ, u jakich vielmi važnuju rolu adyhrała kancler Niamieččyny Anhieła Mierkiel», - havorycca ŭ artykule.
Namier składaŭsia ŭ tym, kab zadavolić rasijskuju krytyku adnosna zony svabodnaha handlu.
Dla Mierkiel zona svabodnaha handlu z Ukrainaj z samaha pačatku była prablemaj. Joj nie padabajecca, što Ukrainu prymusili vybirać pamiž ES i Mytnym sajuzam.
«Ciapier siabroŭstva ŭ dvuch mytnych sajuzach niemahčyma», - skazała jana ŭ śniežni na samicie ES u Brusieli. Viadoma, treba havaryć z Rasijaj ab tym, «jak nam vyjści z hetaha», adznačyła kancler.
Takim čynam «paśla šyroka razrekłamavanych sankcyj ES» pačaŭsia pošuk kampramisu z Pucinym, piša niamieckaje vydańnie.