Siezon asieńnich kirmašoŭ u Minsku adkryjecca 20 vieraśnia
La staličnaha Pałaca sportu 20 i 21 vieraśnia buduć pracavać try kirmašy - stokavy, rybny i sielskahaspadarčy,
paviedamili ŭ hałoŭnym upraŭleńni spažyvieckaha rynku Minharvykankama.
Pieršy ŭ Biełarusi śpiecyjalizavany kirmaš stokavych niecharčovych tavaraŭ projdzie ŭ Minsku 20 i 21 vieraśnia z 10.00 da 17.00. Na handlovaj płoščy bolš za 6 tys. kv.m buduć pradstaŭleny kala 50 bujnych ajčynnych pradpryjemstvaŭ - vytvorcaŭ šviejnych, trykatažnych, hałantarejnych tavaraŭ i abutku. Ceny dla pakupnikoŭ na stokavaj raspradažy buduć na 40-60 pracentaŭ nižejšyja, čym u roźničnaj handlovaj sietcy.
Taksama ŭ hetyja dni la Pałaca sportu projdzie sielskahaspadarčy kirmaš, na jakim pradstaviać pradukcyju ŭradžaju 2014 hoda, płodaaharodninnuju kansiervavanuju pradukcyju, a taksama šyroki asartymient kaŭbasnych vyrabaŭ, vendžaniny i paŭfabrykataŭ. Śviežuju sažałkavuju i aziorna-račnuju rybu možna budzie nabyć na śpiecyjalizavanym kirmašy «Ryba Biełarusi-2014».
Akramia taho, u hetyja vychadnyja sielhaskirmašy arhanizujuć u administracyjnych rajonach horada.
Tak, 20 i 21 vieraśnia jany adbuducca ŭ Zavodskim (pa adrasie vuł. Taškienckaja, 19), Savieckim (u parku Družby narodaŭ) i Centralnym (kala kinateatra «Kijeŭ») rajonach. Tolki 20 vieraśnia sielhaspradukcyju buduć pradavać u Leninskim (skryžavańnie prasp. Rakasoŭskaha i vuł. Plachanava), Maskoŭskim (prasp. haziety «Praŭda», 40), Kastryčnickim (vuł. Baramzinoj, 10a), Partyzanskim (bulvar Traktarabudaŭnikoŭ), Pieršamajskim (vuł. Rusijanava, 1), Frunzienskim (vuł. Prytyckaha, 27) rajonach.
U hałoŭnym upraŭleńni spažyvieckaha rynku Minharvykankama nahadali, što sielskahaspadarčyja kirmašy vychadnoha dnia projduć u rajonie Pałaca sportu na praciahu vieraśnia-listapada.
Kožnaja vobłaść krainy pradstavić svaje pradpryjemstvy ŭ stalicy dva dni:
27 i 28 vieraśnia - Bresckaja, 4 i 5 kastryčnika - Viciebskaja, 11 i 12 kastryčnika - Homielskaja, 18 i 19 kastryčnika - Hrodzienskaja, 25 i 26 kastryčnika - Minskaja, 1 i 2 listapada - Mahiloŭskaja vobłaści. Na kirmašach možna budzie nabyć miasnuju, małočnuju, rybnuju, płodaaharodninnuju kansiervavanuju pradukcyju, aharodninu, bulbu i inšuju sielhaspradukcyju pa cenach vytvorcaŭ.-