Pamior kiraŭnik turystyčnaj kampanii «Rościnh» Michaił Kapcevič. Jamu było 39 hadoŭ
travel.otzyv.by
Siońnia, 16 vieraśnia, paśla praciahłaj chvaroby pamior zasnavalnik i dyrektar kampanii «Rościnh» Michaił Kapcevič. 26 žniŭnia Michaiłu spoŭniłasia 39 hadoŭ. U jaho zastałosia troje dziaciej, piša tio.by.
«Pad kiraŭnictvam Mišy kampanija «Rościnh» zaniała topavyja pazicyi na biełaruskim turystyčnym rynku, firma burna raźvivałasia, źjaŭlajučysia biezumoŭnym lidaram na bałharskim kirunku, kožny hod paśpiachova asvojvała novyja krainy. Michaił byŭ navataram pa natury i śmieła ŭkaraniaŭ internet-technałohii ŭ turyźmie», — adznačaje vydańnie.
Pra miesca i čas hramadzianskaj panichidy budzie paviedamlena dadatkova.