U Minsku znajšli rasčlaniony trup mužčyny
sk.gov.by
Zabity byŭ znojdzieny ranicaj 15 vieraśnia ŭ lesaparkavaj zonie Zavodskaha rajona.
U chodzie ahladu śledča-apieratyŭnaj hrupaj na niekatoraj adlehłaści ad pareštkaŭ byli vyjaŭlenyja frahmienty zharełaha adzieńnia, jakoje, miarkujecca, naležała zahinułamu.
Supracoŭniki kryminalnaha vyšuku ŭžo ŭstalavali miesca mierkavanaha ździajśnieńnia złačynstva, a taksama asoby ŭsich udzielnikaŭ padziej.
«Ustanoŭlena, što 53-hadovaha mužčynu, padčas svarki paśla sumiesnaha raśpivańnia śpirtnych napojaŭ, nažom u serca zabiŭ žychar Hrodzienskaj vobłaści, 1961 h. n.
Złačynstva adbyłosia ŭ adnoj z kvater Zavodskaha rajona. Trup pralažaŭ u kvatery niekalki dzion, paśla čaho zabojca rasčlaniŭ jaho i vynies u les, a asabistyja rečy spaliŭ», — paviedamlaje pres-słužba Śledčaha kamiteta.
Z padazravanym zaraz pracujuć śledčyja. Jaho dziejańni kvalifikavanyja pa č.1 art.139 (zabojstva) Kryminalnaha kodeksa Respubliki Biełaruś.
Dla dalejšaha praviadzieńnia rasśledavańnia materyjały kryminalnaj spravy pieradadzienyja ŭ Hałoŭnaje śledčaje ŭpraŭleńnie Śledčaha kamiteta.