Budynak Miedžlisa ŭ Simfieropali atačyli aŭtamatčyki ŭ maskach
Budynak Miedžlisa krymskatatarskaha naroda ŭ Simfieropali atačyli ŭzbrojenyja aŭtamatčyki ŭ maskach. Jany nikoha nie puskajuć unutr i nie kažuć, što adbyvajecca.
Da budynka padjechaŭ aŭtazak. Z krynic u miedžlisie ŭdałosia daviedacca, što ŭnutry siłaviki pravodziać pieratrus.
Siłaviki zahadali ŭsim žurnalistam, jakija pracujuć kala budynka miedžlisa, syści, matyvavaŭšy tym, što, pavodle rasijskaha zakanadaŭstva, pradstaŭniki ŚMI nie mohuć znachodzicca na miescy śledčych dziejańniaŭ.
Ranicaj užo prajšli pieratrusy ŭ kvatery člena Miedžlisa Eskiendera Baryjeva, a taksama ŭ domie staršyni Biełahorskaha rehijanalnaha miedžlisa Mustafy Asaba.
U noč na paniadziełak nieviadomyja ludzi sarvali ŭkrainski ściah nad budynkam Miedžlisa. U Miedžlisie źviazvajuć novyja represii ź nizkaj jaŭkaj siarod krymskich tataraŭ na niadzielnych vybarach, pradstaŭničy orhan krymskich tataraŭ zaklikaŭ bajkatavać ich.