Ukraina i ES ratyfikavali Damovu ab asacyjacyi
U aŭtorak Viarchoŭnaja Rada Ukrainy i Jeŭrapiejski parłamient sinchronna ratyfikavali Pahadnieńnie ab asacyjacyi.
Prezident Piatro Parašenka i śpikier VR Alaksandr Turčynaŭ nazvali hety dzień histaryčnym.
Za prajekt zakona ab ratyfikacyi prahałasavali 355 deputataŭ ukrainskaha parłamienta.
«Z časoŭ Druhoj suśvietnaj vajny nivodnaja nacyja za imknieńnie być jeŭrapiejcami nie płaciła takoj vysokaj cany», — zajaviŭ Parašenka ŭ Viarchoŭnaj Radzie pierad hałasavańniem.
Pavodle słoŭ ukrainskaha lidara, za hetaje rašeńnie zapłacili svaim žyćciom «Niabiesnaja sotnia» i 882 ukrainskija vajskoŭcy ŭ zonie ATA.
«Jeŭraintehracyja stała nacyjanalnaj idejaj Ukrainy», — adznačyŭ Parašenka.
Jon dadaŭ, što pahadnieńnie ab asacyjacyi pavinna pryvieści ŭkrainskija standarty ŭ adpaviednaść sa standartami ES u halinie pravoŭ čałavieka, biaśpieki i kantrolu nad uzbrajeńniami, a taksama źniać handlovyja barjery.
Taksama ŭkrainski prezident čarhovy raz paćvierdziŭ, što nivodny paramietr Damovy ź ES nie byŭ źmieniena ŭ vyniku pieramovaŭ z Rasijaj.
«Heta histaryčny momant», — skazaŭ kiraŭnik Jeŭraparłamienta Marcin Šulc.
Jeŭrapiejskija deputaty padtrymali ratyfikacyju damoŭlenaściej z Ukrainaj 535 hałasami «za». Suprać vykazalisia 127 členaŭ Jeŭrapiejskaha parłamienta