Avakaŭ: Ukrainskuju milicyju pierajmianujuć u palicyju
Ministr unutranych spraŭ Ukrainy Arsien Avakaŭ na svajoj staroncy ŭ Facebook pradstaviŭ kancept budučaj reformy Ministerstva ŭnutranych spraŭ u vyhladzie videarolika.
Pavodle jaho słoŭ, pierad uniasieńniem prajekta na razhlad Kabinieta ministraŭ treba budzie jašče šmat čaho dapracavać, tamu jon paprasiŭ čytačoŭ ahučvać svaje zaŭvahi.
Zhodna z kanceptam, MUS čakaje šerah radykalnych źmienaŭ. Pieršaja ź ich — milicyja budzie pieranazvanaja ŭ palicyju.
Avakaŭ adznačyŭ, što takoje rašeńnie było pryniata paśla taho, jak Viarchoŭnaja rada dazvoliła stvarać atrady «narodnaj milicyi» u asobnych rehijonach Danbasa.
«Milicyja źjaŭlajecca rudymientam savieckaj epochi i aznačaje «uzbrojenaje narodnaje apałčeńnie». Zatoje palicyja — heta prafiesijny dziaržaŭny orhan, zaklikany zabiaśpiečyć pravaparadak, paźbiahajučy karnych funkcyj», — havorycca ŭ roliku.
Abnoŭlenaje MUS budzie zajmacca pravaachoŭnaj dziejnaściu, abaronaj kanstytucyjnaha ładu i terabaronaj, mihracyjnaj dziejnaściu, achovaj dziaržmiažy, vyratavalnaj spravaj.
Buduć likvidavanyja takija orhany jak HUBAZ, transpartnaja milicyja, vieterynarnaja milicyja, milicyja pa spravach dziaciej.
Akramia taho, buduć likvidavanyja ŭsie śpiecpadraździaleńni typu «Bierkuta» ci «Hryfona», a zamiest ich budzie stvorana adzinaje śpiecpadraździaleńnie nakštałt amierykanskaha S.W.A.T.
Usie supracoŭniki MUS pavinny prajści pieraatestacyju pa zakonie ab lustracyi.