Bialacki: Biełaruskaja kultura i mova siońnia aŭtamatyčna stanoviacca znakam jeŭrapiejskaści
Pra heta kiraŭnik zakrytaha biełaruskimi ŭładami pravaabarončaha centra «Viasna» Aleś Bialacki zajaviŭ na kruhłym stale «Hramadzianskaja supolnaść na abaronie cyvilizacyjna-kulturnaj identyčnaści Biełarusi», arhanizavanym 18 vieraśnia ŭ Minsku Asamblejaj demakratyčnych niaŭradavych arhanizacyj.
«Biełaruskaja mova i kultura źjaŭlajucca znakam aryjentacyi na jeŭrapiejskija kulturnyja kaštoŭnaści. Heta treba prapahandavać», - padkreśliŭ jon.
Bialacki adznačyŭ, što ciapier padčas zamiežnych vizitaŭ stała lahčej adstojvać svaje pazicyi ŭ dačynieńni da nacyjanalnaj biełaruskaj kultury i movy.
«Pradstaŭniki nievialikich ŭschodniejeŭrapiejskich i centralnajeŭrapiejskich narodaŭ zrazumieli, jakuju pahrozu ŭjaŭlaje paŭzučaja ekspansija Rasii ŭ dačynieńni da zachavańnia ruskaj kulturnaj prastory. Faktyčna jany razumiejuć, što ŭsio heta maje vialiki palityčny kantekst», -
skazaŭ pravaabaronca.
Pa słovach Bialackaha, jeŭrapiejcy pytajucca, što my možam supraćpastavić hetamu. «Adkaz prosty: svaju nacyjanalnuju kulturu, nacyjanalnuju identyčnaść, nacyjanalnuju movu, jakija niečakana nabyli vialiki palityčny kantekst.
Jany razumiejuć, što raźvićcio i ŭzmacnieńnie biełaruskaści ŭ Biełarusi - heta ŭžo jak by i palityčny vybar.
Skaryna knižku drukavaŭ u Prazie, pavioz jaje ŭ Maskvu, dzie jaje spalili. Voś prykład biełaruskaj movy i biełaruskaj identyčnaści «, - adznačyŭ jon.
Bialacki taksama zajaviŭ, što «supraćstajać ahresiŭnaj infarmacyjnaj palitycy Rasiei možna tolki raźvićciom svajoj ułasnaj nacyjanalnaj kultury i movy ŭ samych roznych śfierach hramadskaha žyćcia».