Knihu paeta-našaniŭca vydali tolki praz 100 hadoŭ
Januk Daraškievič padrychtavaŭ zbornik vieršaŭ jašče ŭ 1914-m.
Paetyčny zbornik «Markotnyja zorki» vyjšaŭ sioleta ŭ vydaviectvie «Knihazbor». Ź lohkaj ruki krajaznaŭca Siarhieja Čyhryna.
Januk Daraškievič (1890-1943) pačaŭ pisać u «Našu Nivu» ŭ 1909. Tady na staronkach haziety źjaviŭsia jaho pieršy vierš, zatym byli i novyja. A jak nadrukavali — zaachvocili — pačaŭ pisać bolš. I kali ŭ 1914 hodzie Daraškieviča mabilizavali ŭ carskaje vojska, jon pierapisaŭ usie svaje vieršy ŭ sšytak i dasłaŭ u redakcyju «NN». Nazvaŭšy «Abrazkami». Spadziavaŭsia, što vydaduć knižačkaj. Nie vyjšła.
A paśla časy źmianilisia. Pieršaja suśvietnaja, revalucyi. Januk Daraškievič apynuŭsia ŭ Rasii, ale vieršaŭ pisać nie kidaŭ. Padčas Druhoj suśvietnaj vajny jon zahinuŭ na froncie. A jaho litaraturnaja spadčyna zhareła ŭ chacie ŭ Varoniežy. I zastaŭsia tolki toj sšytak «Abrazki» i asobnyja vieršy ŭ listach.
Kaniečnie, vieršy Daraškieviča — nie chrestamatyjnyja. Ale dla daśledčykaŭ Biełarusi pačatku XX stahodździa — heta važnaja cahlinka. Kab asensavać toj čas, varta mieć apublikavanaj spadčynu takich dziejačaŭ. I nakład u vydańnia ścipły — 50 asobnikaŭ. Sapraŭdy, dla samych zacikaŭlenych.