Japonski robat syhraŭ hałoŭnuju rolu ŭ śpiektakli pa naviele Kafki
U Iakahamie adbyŭsia debiut na teatralnaj scenie … robata. Pryčym robatu Repliee S1 vypała nie epizadyčnaja rola biez słoŭ — viadomy japonski režysior Aryza Chirata ryzyknuŭ davieryć jamu hałoŭnuju rolu — kamivajažora Hrehara Zamzy.
Histaryčnaja dla teatra padzieja adbyłasia ŭ novaj pastanoŭcy kafkijanskaha «Pieratvareńnia». Uličvajučy, chto hraje hałoŭnuju rolu, nie dziŭna, što Chirata nazvaŭ śpiektakl «Pieratvareńnie, androidnaja viersija».
Aryza Chirata zamianiŭ vieličeznaha pavuka na robata Repliee S1, jaki pramaŭlaje radki Kafki miechaničnym hołasam. Teatralnaha robata ź biełym čałaviekapadobnym tvaram stvaryŭ viadučy śpiecyjalist pa robatach ŭ Japonii — Chirošy Išyhura.
Aktrysa Iren Džakab, jakaja hraje maci hałoŭnaha hieroja, ličyć, što režysiorski ekśpierymient atrymaŭsia. Hledačy valać vałam na pastanoŭku, niahledziačy na toje, što śpiektakl idzie na francuzskaj movie z tytrami na japonskaj. U listapadzie robat-akcior nakirujecca razam z trupaj na teatralny fiestyval u Francyju.
Režysior žartuje, što, prynamsi, słovy krytykaŭ u recenzijach pra «miechaničnuju» ihru dla jaho ŭžo nie abraza ci paprok, a kanstatacyja fakta.