Žychar Lidy abliŭ siabie bienzinam i padpaliŭ
Mužčyna sprabavaŭ učynić samaspaleńnie ŭ Lidzie.
Pra heta paviedamili ŭ pres-słužbie Hrodzienskaha abłasnoha ŭpraŭleńnia MNS.
U niadzielu ranicaj mužčyna abliŭ siabie bienzinam i padpaliŭ. Z apiokami hałavy, šyi, hrudnoj kletki, tylnaj pavierchni kiściej ruk paciarpieły źmieščany ŭ reanimacyjnaje adździaleńnie Lidskaj centralnaj rajonnaj balnicy.
Viadoma, što padraździaleńni MNS da miesca zdareńnia nie pryciahvalisia. Viadziecca raźbiralnictva.