Łukašenka: Biełaruś nie razhladaje siabie ŭ adryvie ad Rasii, tolki razam
BiełTA
Biełaruś nie razhladaje siabie ŭ adryvie ad Rasii.
Ab hetym zajaviŭ Alaksandr Łukašenka siońnia na sustrečy z hubiernataram Śviardłoŭskaj vobłaści Jaŭhienam Kujvašavym.
«My nie razhladajem siabie ŭ adryvie ad Rasijskaj Fiederacyi, tolki razam, u sumiesnaj dziejnaści. Tolki ŭ tym vypadku, kali my budziem supraćstajać ŭsiakim pahrozam razam, my zdolnyja vystajać i vyžyć, — skazaŭ kiraŭnik dziaržavy. — Śviedčańniem tamu źjaŭlajucca padziei ŭ našaj susiedniaj krainie. Chto b moh padumać, što takoje ŭvohule moža być?».
«Ja miarkuju, my byli i budziem razam», — padkreśliŭ Łukašenka.
Jon adznačyŭ, što asnovaj biełaruska-rasijskich adnosin źjaŭlajecca ekanomika. «Kali my budziem narmalna prasoŭvacca ŭ handlova-ekanamičnaj śfiery, to nijakija bury i ŭrahany nam nie strašnyja», - upeŭnieny jon.