Kim Čen Yn narešcie źjaviŭsia na publicy
Lidar KNDR Kim Čen Yn upieršyniu za 40 dzion źjaviŭsia na publicy. Pra heta ŭ aŭtorak, 14 kastryčnika, paviedamlaje ahienctva CTAK.
na fota jon abapirajecca na kijočak
Paŭnočnakarejski lidar prainśpiektavaŭ budoŭlu rajona dla navukoŭcaŭ pad nazvaj «Spadarožnik» i «daŭ nieabchodnyja ŭkazańni».
Jak adznačajecca, žyły kvartał składajecca z 24 šmatpaviarchovych damoŭ, škoły, balnicy, dziciačaha sada i inšych pabudoŭ sacyjalna-kulturnaha pryznačeńnia. Kim Čen Yn adznačyŭ, što rajon vyhladaje «vielmi pryvabna, jon ujaŭlaje saboj fantastyčnuju karcinu».
Akramia taho, jon «naviedaŭ tolki što pabudavany Instytut pryrodnych krynic enierhii Dziaržaŭnaj akademii navuk». Vyvučyŭšy pamiaškańnie, lidar KNDR adznačyŭ pracu budaŭnikoŭ, jakija, pa jaho słovach, zrabili ŭsio jakasna, jak i patrabavała partyja.
Lidar KNDR nie źjaŭlaŭsia na publicy z 3 vieraśnia, što ŭ svaju čarhu sparadziła niamała čutak pra stan jaho zdaroŭja.