Kabzon praśpiavaŭ z Zacharčankam pieśniu «Ja lublu tiebia, žizń»
Sumiesny z akademičnym ansamblem pieśni i tanca MUS vystup Iosifa Kabzona ŭ Daniecku prajšoŭ pry anšłahu zały Opiernaha teatra.
Dla tych, chto nie źmiaściŭsia ŭ zale, była arhanizavana tranślacyja na vialikim ekranie na fasadzie teatra. U jaho sabralisia dziasiatki dančan.
Kabzon vykanaŭ jak svaje chity roznych hadoŭ, tak i novyja pieśni, zrabiŭšy akcent na rečy, pryśviečanyja Danbasu i antyvajennaj tematycy. Avacyjaj zała sustreła baładu, pryśviečanuju dzieciam Biesłana.
«Mnohija z hetych piesień ja śpiavaŭ, kali vas jašče nie było na biełym śviecie, — pažartavaŭ deputat Dziarždumy Kabzon. — A ŭpieršyniu na hetuju scenu ja vyjšaŭ ŭ 1946 hodzie». Budučamu narodnamu artystu SSSR tady było dzieviać hadoŭ.
Naprykancy kancerta Kabzon zaprasiŭ na scenu premjera DNR Alaksandra Zacharčanku, razam ź jakim jany vykanali pieśniu «Ja lublu tiebia, žizń!».