U Minsku aryštavanyja aktyvisty z Sankt-Pieciarburha
U subotu 25 kastryčnika ŭ Minsku dniom biez tłumačeńnia pryčynaŭ supracoŭnikami milicyi byli zatrymanyja hramadskija aktyvisty z Sankt-Pieciarburha (Rasija) — Fiedarkoŭ Andrej i Sałaŭjoŭ Ivan. Ź imi byli zatrymany taksama i žychar stalicy. Ich advieźli ŭ Zavodski RUUS h.Minska, skłali pratakoły administratyŭnych pravaparušeńniaŭ. Dva dni da suda jany znachodzilisia ŭ Zavodskim RUUS horada Minska.
Aktyvistaŭ hruba, z prymianieńniem śpiecsrodkaŭ, zatrymali supracoŭniki śpiecsłužbaŭ na prypynku hramadskaha transpartu na Partyzanskim praśpiekcie, nibyta za niecenzurnuju łajanku i niepadparadkavańnie patrabavańniam supracoŭnikam milicyi.
27 kastryčnika ŭ sudzie Zavodskaha rajona razhladalisia administracyjnyja spravy zatrymanych. Sudździa Osipčyk asudziła troch aktyvistaŭ pa artykułach 17.1 (drobnaje chulihanstva) i 23.4 KaAP RB (niepadparadkavańnie zakonnamu rasparadžeńniu ci patrabavańniu słužbovaj asoby dziaržaŭnaha orhana pry vykanańni im słužbovych paŭnamoctvaŭ) i pakarała da roznych terminaŭ aryštu: biełaruski aktyvist atrymaŭ 10 sutak, a hości z Rasii - pa 3 sutak. Siarod aryštavanych i advakat Andrej Fiedarkoŭ.
U dadzieny momant advakat rychtuje kasacyjnuju skarhu na sudovaje rašeńnie.
Pravaabaroncy miarkujuć, što žycharoŭ Rasii siońnia prymusova departujuć ź Biełarusi i zabaroniać na peŭny čas ujezd u krainu