Litva ŭzmacniaje kantrol na miažy ź Biełaruśsiu
U metach baraćby z kantrabandaj Słužba achovy dziaržaŭnaj miažy Litvy paviedamlaje, što ŭzmacniaje nahlad na litoŭska-biełaruskaj miažy.
Supracoŭniki słužby adznačajuć, što na miažy ź Biełaruśsiu ŭzmacniłasia kantrabanda, z tych časoŭ, jak niekalki hadoŭ tamu staŭ bolš žorstkim kantrol u Kalininhradskaj vobłaści. Da kastryčnika na litoŭska-biełaruskaj miažy zatrymana kala miljona kantrabandnych cyharet, a taksama bolš za 400 asob, jakija sprabavali nielehalna trapić u Litvu.
«Heta samaja doŭhaja miaža Litvy, tut niama naturalnaj pryrodnaj pieraškody, jak Nioman na miažy z Rasijaj. Pry miažy ź Biełaruśsiu — lasistyja miascovaści, jakija ablahčajuć złačynnyja dziejańni», — skazaŭ pradstaŭnik Słužby achovy dziaržaŭnaj miažy Hiedrus Mišucis.
Zaraz kala 90% kantrabandnych cyharet traplaje ŭ Litvu mienavita praz hety ŭčastak miažy, tamu ź leta tut ukaraniajecca novaja sistema kantrolu, jakaja pakul dziejničaje tolki na adnoj siomaj ŭsiaho ŭčastku, prykładna na płoščy 100 km.