Rasija pryznaje vybary ŭ «DNR» i «ŁNR»
Kiraŭnik rasijskaha MZS Siarhiej Łaŭroŭ zajaviŭ u intervju haziecie «Iźviestija», što Rasija pryznaje vybary ŭ Łuhanskaj i Danieckaj «narodnych respublikach», kali jany projduć pa płanie.
— Maskva pryznaje vyniki hetych vybaraŭ?
— My ličym, što heta adno z najvažniejšych napramkaŭ minskich damoŭlenaściej. Čakajem, što vybary adbuducca jak damaŭlalisia, i my, viadoma, pryznajem ich vyniki. Raźličvajem, što volevyjaŭleńnie budzie svabodnym i nichto zvonku nia pasprabuje jaho sarvać.
— Dla Rasii ciapier DNR i ŁNR — asablivaja zona, častka Ukrainy z asablivym statusam? Jakim čynam Maskva pryznaje hetyja respubliki?
— Heta terytoryi, nasielnictva jakich kateharyčna admoviłasia źmirycca z uzbrojenym pieravarotam i jaho nastupstvami, adprečyła ideałohiju banderaŭščyny i UNA-UNSO, jakuju pieramožcy tak zvanaha majdana nieadkładna pasprabavali naviazać ŭsioj Ukrainie, — skazaŭ Łaŭroŭ. — U ich jość svajo ŭsprymańnie histaryčnaha pracesu, jaki sfarmavaŭ siońniašniuju Ukrainu. Pierakanany, što, kali b kijeŭskija ŭłady, jakija ździejśnili pieravarot, nie źviartalisia da siły, pavažali b Pahadnieńnie ab urehulavańni, padpisanaje 21 lutaha Kličko, Jacaniukom, Ciahnibokamm ź Janukovičam, nijakaha kryzisu va Ukrainie ŭ jaho ciapierašnich maštabach nie było b.