Bajec «Ajdara», jakomu bajeviki adsiekli ruku, vypisaŭsia sa špitala
Vasila Pieleša — 19-hadovaha ŭkrainskaha patryjota, bajca «Ajdara», jakomu terarysty ŭ pałonie adsiekli pravuju ruku z vytatujavanym na joj tryzubcam, vypisali dadomu paśla lačeńnia ŭ Lvoŭskim vajennym špitali.
Pra heta karespandentu Ukrinfarm raspavioŭ načalnik špitala — pałkoŭnik Ivan Hajda.
«Vasil adrazu paśla viartańnia na Lvoŭščynu ŭ kancy vieraśnia pastupiŭ na lačeńnie ŭ špital. Pierad hetym paśla pałonu jon pieranios pieršuju apieracyju ŭ Łuhansku, dzie jamu amputavali vierchniuju kaniečnaść na ŭzroŭni vierchniaj traciny plača, kab nie dapuścić hanhreny paśla katavańniaŭ. U Lvovie bajca ahledzieŭ aŭstryjski chirurh Alaksandar Kłaŭs razam ukrainskimi kalehami. Daktary vyznačyli mietady dalejšaha lačeńnia Vasila, jakija byli paśpiachova realizavanyja», — adznačyŭ Hajda.