U Vienhryi dapuskajuć mahčymaść vychadu ź ES
Pakolki Jeŭrapiejski sajuz dyktuje Vienhryi svaje ŭmovy, kraina moža pierahledzieć svajo siabroŭstva ŭ ES.
Pra heta zajaviŭ śpikier vienhierskaha parłamienta Łasła Dyvan.
Staršynia parłamienta skazaŭ, što kali Brusel budzie ŭkazvać krainie, jak treba kiravać, to jon stanie padobny da Maskvy ŭzoru 1989 hoda. I kali tak, to Vienhryja moža pakinuć Jeŭrasajuz, ale heta horšy scenar, dadaŭ jon.
Pry hetym siabroŭstva ŭ ES i NATA dla krainy nie źjaŭlajecca prablemaj, choć «jeŭraatłantyčny śviet raschistany ŭ maralnym sensie».
Apazicyjnyja partyi i palityki Vienhryi asudzili śpikiera za hetyja zajavy i zaklikali premjer-ministra Viktara Orbana dyscyplinavać Dyvana. Na ich dumku, takaja pazicyja škodzić intaresam vienhierskaha naroda i pierakreślivaje 30-hadovyja namahańni Vienhryi. Taksama jany zaklikali Orbana vyznačycca: Maskva ci Brusel vyznačaje budučyniu krainy.
Palityčnyja siły Jeŭraparłamienta, jakija pradstaŭlajuć u im hrupu Dyvana pahadzilisia ź jaho mierkavańniem. «Łasła Dyvan vielmi jasna vykazaŭsia pa prablemach funkcyjanavańnia Jeŭrasajuza, jeŭrapiejskija kaštoŭnaści ad nas vielmi dalokija, my sami pavinny vyznačacca adnosna budučyni ŭ ES», — adznačyŭ člen JEP Tamaš Dojč.
Nahadajem, u apošni čas vienhierski premjer demanstruje padtrymku palityki prezidenta RF Uładzimira Pucina.