Danija zaklikaje ES rychtavacca da hibrydnaj vajny Rasii
ES pavinien zmahacca suprać «hibrydnaj vajny» Rasii z dapamohaj ŭzhodnienaj enierhietyčnaj palityki i supraćstajańnia masavaj prapahandzie ŭ ŚMI.
Pra heta zajaviŭ ministr zamiežnych spraŭ Danii Marcin Lidehor u intervju Reuters.
«Ja nie mahu sabie ŭjavić, što Rasija advažycca zakranuć krainy Bałtyi ci Polšču abo luboha inšaha člena NATA», — adznačyŭ jon, adkazvajučy na pytańnie, ci bačyć Danija ŭ RF pahrozu.
«Adnak zrazumieła taksama, što isnuje novy vid pahrozy. Ja b nie nazvaŭ jaje vajennaj, heta hibrydnaja vajna, dzie my sutykajemsia z masiravanaj prapahandaj, pravakacyjami, stymulacyjaj hrup ŭnutry inšych krain, heta nie źjaŭlajecca vajnoj, ale jość čym varožym i blizkim da vajny».
Na jaho dumku, adziny enierhietyčny rynak stanie dobrym abarončym frontam suprać «hibrydnaj vajny» Rasii.
«Kali my zrobim pryjarytetnym rašeńnie enierhietyčnaj prablemy i nakirujem na jaho sumiesnyja namahańni i ŭ Jeŭropie, i va Ukrainie, heta budzie vielizarny krok napierad i vielmi ahresiŭny sposab pakazać Rasii, nastupstvy jaje palityki stajać doraha», - skazaŭ Lidehor.