Padatkovaja ŭziała pad pryceł internet-handal
U nasielnictva stali papularnyja pakupki praź internet, u padatkovaj — pravierki dziejnaści internet-kram.
Padatkovyja orhany analizujuć infarmacyju, raźmieščanuju na forumach, u sacsietiach i inšych internet-placoŭkach, kab vyjavić asob, jakija ažyćciaŭlajuć niezakonnuju dziejnaść, i nakiroŭvajuć da ich raptoŭnuju pravierku. Pra heta raspaviali pradstaŭniki MNS Biełarusi na pres-kanfierencyi «Kantrolnaja dziejnaść padatkovych orhanaŭ Biełarusi, nakiravanaja na skaračeńnie cieniavoha abarotu».
Ni dla kaho nie sakret, što ŭ śfiery internet-handlu aktyŭna vykarystoŭvajecca apłata tavaru najaŭnymi, što dazvalaje niekatorym rabotnikam ažyćciaŭlać realizacyju tavaru biez adlustravańnia ŭ buchhałtarskim uliku. Padatkovaja adsočvaje heta, a taksama aktyŭna vyjaŭlaje realizacyju šerych tavaraŭ, jakija nielehalna ŭvoziacca ŭ našu krainu.
Usiaho, pavodle infarmacyi MNS, za pieryjad sa studzienia pa kastryčnik biahučaha hoda padatkovyja orhany adsačyli praź internet i nakiravali pazapłanavyja pravierki da 800 pradaŭcoŭ. U vyniku ź cieniavoha abarotu kanfiskavana tavarna-materyjalnych kaštoŭnaściaŭ i hrašovych srodkaŭ na sumu kala 70 młrd rubloŭ. Pa słovach Michaiła Machtaduja, namieśnika načalnika kiraŭnictva arhanizacyi pravierak i kantrolu sietki Internet Ministerstva pa padatkach i zborach Respubliki Biełaruś, u paraŭnańni z 2013 hodam efiektyŭnaść pravierki zakonnaści ažyćciaŭleńnia handlu praź internet padatkovymi orhanami pavialičyłasia ŭ 2,4 raza.