Pad Minskam zatrymali bandu cyhanoŭ, jakija vykradali ludziej u Rasii
A pracavać pryvozili ŭ Biełaruś.
Jak paviedamili ŭ Ministerstvie ŭnutranych spraŭ, supracoŭniki Hałoŭnaha ŭpraŭleńnia pa baraćbie z arhanizavanaj złačynnaściu i karupcyjaj zatrymali hrupu cyhanoŭ, jakija padazrajucca ŭ vykradańni ludziej i ich niezakonnaj pracoŭnaj ekspłuatacyi.
Pa źviestkach apieratyŭnikaŭ, padazravanyja dziejničali ad Vołahdy da Mahnitahorska.
Pad roznymi pryčynami (jak praviła, achviar napojvali ałkaholem) jany pryvozili rasijan u Biełaruś. Tut pad pahrozaj fizičnaha hvałtu prymušali ich pradavać płanšety na stajankach mašyn i ŭ inšych miescach Minska i Minskaha rajona.
Ciapier vyśviatlajecca pachodžańnie hadžetaŭ.
«Ciapier zatrymany 9 čałaviek: jak rasijanie, tak i hramadzianie našaj krainy. Usie jany — cyhany, — adznačyli ŭ HUBAZK MUS. — Vyjaŭlena čaćviora paciarpiełych. Umovy ich pražyvańnia možna nazvać niedapuščalnymi, a pracu — rabskaj, bo pracavali faktyčna za ježu».
Napracoŭki apieratyŭniki pieradali ŭ Śledčy kamitet.