Šviedskaja raźviedka: Sihnał biedstva z rasijskaj padłodki byŭ «kačkaj»
Šviedskaja vajenna-marskaja raźviedka nazvała vydumkaj historyju pra sihnał biedstva z rasijskaj padvodnaj łodki, jakaja nibyta znachodziłasia ŭ Stakholmskim archipiełahu.
Pra heta piša najbujniejšaja štodzionnaja ranišniaja hazieta Šviecyi Dagens Nyheter sa spasyłkaj na krynicu ŭ VMF Šviecyi.
Žurnalisty vydańnia Dagens Nyheter zapytali ŭ vajenna-marskoj raźviedki kopiju zapisu nibyta pierachoplenych sihnałaŭ. Jak praviła, takaja infarmacyja całkam abo častkova kanfidencyjnaja i pry zapycie vydajecca tolki farmalnaja spasyłka na rekvizity patrebnaha dakumienta, h.zn. mahčymaść aznajomicca z toj ci inšaj infarmacyjaj jość nie zaŭsiody.
Kali spasyłka nie vydajecca, to rašeńnie možna abskardzić u administracyjnym paradku. Hetym razam raźviedčyki nie padali nijakich źviestak, bo nijakich pierachopaŭ naohuł nie było.
«Ja dumaju, mnie taksama było b cikava pačytać pra sihnał biedstva z rasijskaj padłodki. Ale niama nijakaha sihnału. Infarmacyja niapravilnaja», — zajaviła krynica vydańnia ŭ VMF Šviecyi.
Surazmoŭca vydańnia taksama paćvierdziŭ, što sihnały z Stakholmskaha archipiełaha ŭ Kalininhrad sapraŭdy možna ŭłavić, ale taki trafik isnuje ŭžo daŭno i pracuje kruhłasutačna.