Z 1 listapada biełarusam imihravać u Litvu stanie ciažej
Z 1 listapada ŭstupiać u siłu papraŭki da zakona Litoŭskaj Respubliki «Ab pravavym stanoviščy zamiežnych asobaŭ». Adna z metaŭ papravak — imknieńnie ŭrada abmiežavać adkryćcio fiktyŭnych firm, jakija vykarystoŭvalisia zamiežnikami dla atrymańnia dazvołu na časovaje pražyvańnie ŭ Litvie.
Dahetul schiema biznes-imihracyi ŭ Litvu vyhladała prosta. Samym raspaŭsiudžanym sposabam było adkryćcio zakrytaha akcyjaniernaha tavarystva (UAB). Ścipły minimalny ŭstaŭny kapitał — kala 3000 jeŭra, mahčymaść vyvadu statutnych srodkaŭ, vialikaja kolkaść advakackich kantor, što akazvali pasłuhi pa rehistracyi firm-pustyšak, zrabili Litvu pieravałačnaj bazaj dla achvotnych pierabracca ŭ ES.
Jak praviła, našyja suajčyńniki kuplali hatovy UAB, dzie stanavilisia dyrektarami, i pryznačali sabie zarabotnuju płatu — minimum 230 jeŭra ŭ miesiac, — ź jakoj płacili ŭ kaznu padatki.
Litoŭski bok zapluščvaŭ vočy na padobnyja schiemy davoli doŭha — padatkovyja pastupleńni lišnimi nie byvajuć. Adnak uletku 2014 h. urad narešcie źviarnuŭ uvahu, što zamiežnyja «biznesmieny» zbolšaha nie inviestujuć u ekanomiku krainy, a chutčej honiacca za palepšanym varyjantam Šenhienskaj vizy.
U vyniku, z 1 listapada mahčymaści dla takoha buduć abmiežavanyja. Udzielnik akrytaha akcyjaniernaha tavarystva ź minimalnym kapitałam (10 000 litaŭ) užo nie zmoža atrymać dazvoł na časovaje pražyvańnie ŭ krainie. Košt ŭłasnaha kapitała firmy ciapier budzie składać nie mienš za 100 tysiač litaŭ, ź jakich pałova — heta inviestycyi ci inšaja majomaść zamiežnika.
Novaśpiečanamu biznesoŭcu treba budzie uładkavać na poŭnuju staŭku jak minimum troch hramadzian Litvy. Da taho ž, biełarus pavinny budzie pracavać u firmie, jakaja pracuje nie mienš za paŭhoda.
Samaje niepryjemnaje, što rašeńnie ab vydačy dazvołu na časovaje pražyvańnie, budzie prymacca tolki paśla pravierki pradpryjemstva.
Vielmi ŭpadabany sposab imihracyi u susiedniuju dziaržavu nie hublaje svaju aktualnaść, ale ŭsio bolšuju papularnaść stanie nabyvać polski kirunak.