U Hrodnie kiroŭca atruciŭsia psichatropam i pamior u ahonii za rulom
sk.gov.by
U Hrodnie 22-hadovy kiroŭca aŭtamabila atruciŭsia psichatropam i pamior za rulom.
Pra heta paviedamiŭ žurnalistam aficyjny pradstaŭnik upraŭleńnia Śledčaha kamiteta pa Hrodzienskaj vobłaści Siarhiej Šaršanievič.
Śledčy kamitet vyśviatlaje abstaviny śmierci maładoha čałavieka, cieła jakoha znajšli nočču ŭ abłasnym centry ŭ aŭtamabili na prajeznaj častki darohi.
Pavodle infarmacyi pravaachoŭnikaŭ, małady čałaviek u ahonii prosta za rulom, cieła ŭ nienaturalnaj pozie znajšli na piarednim siadzieńni.
Pry ahladzie aŭtamabila śpiecyjalisty vyjavili ŭ im pakiet z rečyvam, padobnym na kurylnuju sumieś. Ekśpiertyza paćvierdziła, što rečyva źjaŭlajecca psichatropam.
«Śpiecyjalisty Dziaržkamiteta sudovych ekśpiertyz pryjšli da vysnovy, što małady čałaviek atruciŭsia psichatropnym rečyvam, zafiksavanyja prykmiety taksičnaha paražeńnia ŭnutranych orhanaŭ, kliničnaja karcina śmierci adpaviadaje ŭździejańniu na arhanizm asabliva niebiaśpiečnych preparataŭ. Užo ŭstanoŭlena, što jon daŭno ŭžyvaŭ psichatropnyja rečyvy, biespaśpiachova sprabavaŭ pazbavicca ad zhubnaj zvyčki. Ekśpiertyza paćvierdziła taksama, što znojdzienaje ŭ mašynie rečyva źjaŭlajecca asabliva niebiaśpiečnym psichatropam», — skazaŭ Siarhiej Šaršanievič.
U dačynieńni da nieviadomaha, jaki pradaŭ maładomu čałavieku śmiarotnuju dozu psichatropu, raspačata kryminalnaja sprava.