Kino: «Prystanak praklatych»
Prystanak praklatych
Žanr: tryler, drama
Režysior: Bred Andersan
U rolach: Kiet Bekinsejł, Majkł Kiejn, Džym Ściordžes, Ben Kinhśli, Brendan Hlisan, Devid Ćjulis, Džejsan Fleminh.
ZŠA, 112 chv.
1899-y. Tolki skončyŭšy Oksfard, małady psichiatr Edvard Ńjuhiejt uładkoŭvajecca ŭ elitnuju psichijatryčnuju lakarniu.
Niahledziečy na ciopły pryjom hałoŭnaha doktara Łenha, Edvard ździŭlajecca novym mietadam lačeńnia — raźniavolenaści i svabodzie, u jakich žyvuć pacyjenty. Asabliva jamu padabajecca Eliza Hrejvz, vytančanaja pijanistka. Adnak chutka małady doktar znachodzić u sutareńniach sapraŭdny piersanał lakarni, jaki trymajuć za kratami…
Film stvorany pa matyvach apaviadańnia Edhara Ałana Po «Sistema doktara Smola i prafiesara Piero».
Ad jaho ŭ stužcy zastałasia tolki sama lakarnia, jakaja mieścicca ŭ adnym z zamkaŭ u harach Francyi (dziejańnie filma pieraniesienaje ŭ Anhliju) i zachoplenaja varjatami, a taksama małady čałaviek, trochi abaznany ŭ psichijatryi, jaki pryjazdžaje pahladzieć jaje. Adnak siužet atrymaŭsia zakručanym i nadzvyčaj hłybokim, u im staje niečakanych pavarotaŭ. Vydatnaja ihra zornych akcioraŭ nadała piersanažam abjomu.