U Mahilovie pakažuć unikalny daśpiech biełaruskaha rycara XVI st. FOTA
Jon zahinuŭ u bitvie z maskvoj.
4 listapada ŭ «Muziei historyi Mahilova» projdzie prezientacyja ŭnikalnaha biełaruskaha rycarskaha daśpiecha kanca XV - pačatku XVI stst., znojdzienaha na race Vichra ŭletku 2013 hoda.
Historyja daśpiecha składanaja i navat detektyŭnaja. Spačatku «čornyja kapalniki» znajšli mieč racara, jaki i ciapier znachodzicca ŭ rukach nieviadomych. Potym miascovyja žychary znajšli dva frahmienty kirasy, a ŭ vyniku šyrokamasštabnych ekśpiedycyj archieołaha, doktara histaryčnych navuk I. Marzaluka sumiesna z udzielnikami dajv-kłuba «Marski piehas» byli znojdzieny astatnija frahmienty rycarskaha daśpiecha. Pa svajoj paŭnacie i stupieni zachavanaści heta unikalny artefakt dla ŭsioj Uschodniaj Jeŭropy, anałahaŭ jakomu nie isnuje.
Prezientacyja rycarskaha daśpiechu pryznačanaja na 4 listapada nievypadkova - mienavita 4 listapada 1501 hoda ŭ bitvie pad Mścisłavam zahinuŭ abaronca našaj ziamli, pareštki i daśpiech jakoha niekranutymi pralažali na račnym dnie bolš za 500 hadoŭ.