Kazak Haŭryluk prajšoŭ u Radu pa adnamandatnaj akruzie ŭ Kijeŭskaj vobłaści
U adnamandatnaj akruzie №95 u Kijeŭskaj vobłaści pieramohu atrymaŭ kandydat ad Narodnaha Frontu kazak Michaił Haŭryluk, jaki nabraŭ 19,43% hałasoŭ. Pra heta śviedčać źviestki na sajcie CVK Ukrainy.
Druhoje miesca zaniaŭ kandydat ad Błoka Piatra Parašenki. Jon adstaŭ na 1,5%.
Nahadajem, Michaił Haŭryluk staŭ viadomy ŭ časie Majdanu, u jakim jon braŭ udzieł. Jaho schapili śpiecnazaŭcy Janukoviča. Jany vystavili ŭ sieciva videa, na jakim zmušajuć jaho raździecca dahała na marozie, prahaniajuć skroź šycht, bjuć, a taksama fatahrafujucca ź im na pamiać.
Kryŭdzicieli Haŭryluka byli asudžanyja da troch i dvuch hadoŭ pazbaŭleńnia voli z vyprabavalnym terminam na hod.
Sam Haŭryluk stvaryŭ dobraachvotnicki kazacki bataljon i razam z pabracimami vajavaŭ u Danbasie.