Rasijska-biełaruskaha žurnalista chočuć departavać z Polščy pa padazreńni ŭ špijanažy
Rasijski karespandent Leanid Śvirydaŭ, u jakoha MZS Polščy zabrała akredytacyju, moža być vydaleny z krainy.
Praceduru departacyi pačaŭ mazaviecki vajavoda paśla adpaviednaha zvarotu Ahienctva ŭnutranaj biapieki. U Śvirydava zabiaruć dazvoł na časovaje znachodžańnie ŭ Polščy.
Pavodle polskich ŚMI, karespandenta RIA «Novosti» Leanida Śvirydava padazrajuć u špijanažy, a taksama ŭ dziejnaści, jakaja vychodzić za ramki abaviazkaŭ karespandenta. U pryvatnaści, jon arhanizoŭvaŭ pajezdki polskich žurnalistaŭ u Rasiju.
MZS Polščy paviedamlaje, što ŭ Śvirydava zabrali akredytacyju z 24 kastryčnika.
Upieršyniu Leanid Śvirydaŭ atrymaŭ žurnalisckuju akredytacyju ŭ polskim MZS u 1998 hodzie, z 2003 hoda stała žyvie i pracuje ŭ Polščy. U 2006 hodzie Śvirydavu admovili ŭ akredytacyi ŭ Čechii, adna ź miascovych hazietaŭ źvinavaciła jaho ŭ špijanažy.
Raniej Leanid Śvirydaŭ pracavaŭ u Minsku karespandentam telekanału RTR i mieŭ biełaruskaje hramadzianstva.