Student-kamunist la pomnika Leninu: «Patrebna novaja revalucyja!» VIDEA
Siońnia biełaruskija kamunisty ŭskłali kvietki da pomnika Uładzimiru Leninu na płoščy Niezaležnaści ŭ Minsku. Hetak jany adznačajuć 97-uju hadavinu Kastryčnickaj revalucyi.
Na mierapryjemstvie było šmat studentaŭ ź dziaržaŭnych i pryvatnych univiersitetaŭ, u tym liku navučency z Turkmienistana. Na pytańnie, čamu vy siudy pryjšli, junaki i dziaŭčaty adkazvali, što ich paprasili.
Adna z prysutnych dziaŭčat skazała karespandentcy «Našaj Nivy»: «Vy z narhasu? Trymajcie ściah! Ściahoŭ šmat, a ludziej mała».
Niekatoryja studenty paśla ŭskładańnia kvietak padychodzili da vykładčykaŭ, raśpisvalisia.
Moładź z Kamunistyčnaj partyi Biełarusi razdavała ŭlotki pra toje, što stanoŭčaje pryniesła Kastryčničkaja revalucyja. Naprykład, dekret ab dekłaracyi pravoŭ narodaŭ Rasii, bieź jakoj, jak značycca va ŭlotcy, «abviaščeńnie BNR i SSRB było b niemahčymym».